يا ريته ما صلى على النبى !!!

بسم الله الرحمن الرحيم
السلام عليكم ورحمة الله وبركاته

ياريته ما صلى على النبى !!!

بالراحة اللى كان هيحدف بحاجة يستنى شوية

ابداْ كلامى بخيرالكلام والصلاة على خيرالآنام

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً }الأحزاب56

صلى على الحبيب المصطفى

أوصانا الحبيب عليه أفضل الصلاة والسلام ان نكثر من الصلاة عليه ومن صلى عليه صلاة .. صلى الله بها عليه عشرة .

جميل ان جدتى لما تحكيلنا حدوتة تقول صلوعلى النبى الاول او مثلا وانت ناسى حاجة تصلى على النبى علشان تفتكرها

لكن فيه بعض المواقف باشوف الناس بتصلى على النبى واقول

ياريته ما صلى عليه

مثلا - واحد بيعاكس واحدة يقوم ماسح مسح جغرافى لها بعنيه ويقول اللهم صلى على جمال النبى ده ينفع ؟

_ واحد عاوز يوصل لك رسالة انك لازم تسيب حقك وتاخد على دماغك وتسكت يقوم يقولك ياعم صلى على النبى

-واحد بيفتح معاك نميمة وانت بتقوله دع الخلق للخالق يقولك صلى على النبى ده كيت وكيت وكذا وكذا

-والافظع بقى زفة فى فرح والكل ناسى يلبس هدومه والراقصة الفاميلى سايز تترنح والكل يصفق صلى على النبى صلى على النبى او صلى صلى واللى ما يصلى

مش عارف ابوه ايه وامه ايه ده ينفع

-طيب دول ناس بيئة مثلا وياى منهم

الناس بقى اللى مش بيئة فى اول الفرح (والكل برضو بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع وأول ما يقول

اللهم صلى على اسعد مخلوقاتك هوبا

تلاقى الكل بيتمايل ويصفق والبعض يرقص فيه ايه يا ناس واللى بيرقصو على اغانى سامى يوسف واللى برضو بيصلى فيها على النبى

ياجماعة لازم ذكر النبى صلى الله عليه وسلم له احترامه ما ينفعش نقرنه بافعال غير مناسبة له.

كله الا ذكر النبى

نحن نحتاج لتنزيه نبينا عن مجالس اللغو ونخشع فى ذكره صلى الله عليه وسلم

وعذرا يارسول الله

يا رب إن لم أكن آخلصت فى طاعتك لكنى أطمع فى رحمتك .... ( ريان )

السلام عليكم ورحمة الله وبركاته

جزاك الله كل خير اخى ريان

وشكرا الله لك على تقديمك المتمييز لهذا الموضوع

نعم صدقت ورب الكعبه

فنحن فى حاله يندى لها الجبين

إذ اننا نجد فى بعض الافراح تمايل بعض الناس على الرغم من انهم قد يكونوا يسمعون اناشيد بها ذكر الله

لا هيبه ولا احترام لما يُسمع ..

وحسبنا الله ونعم الوكيل

كما تجد بعض الاغانى بها{ما شاء الله ...الله اكبر...قل اعوذ برب الفلق..}ا

ومع ذلك ................. وا اسفاااه

اللهم صلى وسلم وبارك على الحبيب المصطفى وعلى آله وصحبه وسلم

عندك حق فى كل كلمة قلتها والله كل الا حضرتك ذكرته بيحصل بالفعل للاْسف

ولازم نقول واحنا بنتكلم ونذكر رسولنا الكريمبكل احترام وخشوع

اللهم صلى على سيدنا محمد

يا ريته ما صلى على النبى !!! 92959

السلام عليكم ورحمة الله وبركاته

صلى الله عليه وسلم

اخي في الله ... ريان

لقد لمست واقعنا المرير

حقا ليتهم لم يصلوا على النبي في مثل هذه المواطن

شكر الله لك جهدك المبذول وتفاعلك المستمر وتقبل الله منك

وفقكم الله

بسم الله الرحمن الرحيم
وعليكم السلام ورحمة الله وبركاته

الرحيق الختوم ..mero ..الزهراء

شكرا على مروركم وربنا يثبت قلبكم على الإيمان .

» صور ومعلومات عن سيوف النبى التسعة
» مائة خصله انفرد بها النبى عن باقى الرسل
» من صفات النبى"صلى الله عليه وسلم "